İsrail İranın oktyabrın 1-də həyata keçirdiyi raket hücumuna tezliklə cavab verəcək.

Azadmedia.az "The Times of Israel"ə istinadən xəbər verir ki, bunu İsrailin müdafiə naziri Yoav Qallant Qəzza zolağında saxlanılan girovların yaxınları ilə görüşündə deyib.

Məlumata görə, nazir İsrailin İranın hücumuna tezliklə cavab verəcəyini bildirib.

Belə ki, “Bu, dəqiq və ölümcül cavab olacaq”, - Deyə Qalant əlavə edib.

Qeyd edək ki, “Kan” dövlət televiziya və radio şirkətinin yaydığı məlumata görə, İsrailin baş naziri Benyamin Netanyahu Y.Qallant və digər əsas nazirlərlə İrana hücumun parametrləri və vaxtını razılaşdırıb.