Vətən müharibəsində şəhid olan hərbçilərimizin xatirəsi Göyçay rayonunda əziz tutulur. Qeyd edək ki, 44 günlük Vətən müharibəsində rayon 47 şəhid verib.

Göyçay informasiya agentliyi xəbər verir ki, Dekabrın 10 da rayon ərazisində hər şəhidin adına bir ağac əkilib. Böyük həvəslə bu aksiyaya qoşulan rayon ictimaiyyəti, ümumilikdə, 2783 ədəd ağac əkib. Rayon icra hakimiyyətinin təşəbbüsü ilə həyata keçirilən ağacəkmə aksiyası Göyçay rayonu ərazisində və eləcə də rayonun digər yaşayış məntəqələrinin ərazisində reallaşdırılıb.

Göyçay RİH-nin əməkdaşlarının, hüquq mühafizə idarələrinin, habelə bələdiyyə və icra nümayəndəliklərinin üzvlərinin və könüllülərin də iştirak etdiyi ağacəkmə tədbirində əsasən Göyçayın simvolu olan Nar və digər həmişəyaşıl ağaclar əkilib.

Ağacəkmə ölkədə tətbiq olunan xüsusi karantin rejimi qaydalarına uyğun təşkil olunub.

Rayonda şəhid ailələrinə, qazilərə diqt və qayğı yüksək səviyyədə təşkil olunub.