Bakı, 27 Fevral — Azadmedia.az.

SpaceX kosmosa göndəriləcək raketdəki texniki nasazlıq səbəbindən kosmosa buraxılmasını dayandırıb.

Amerikanın kosmik gəmi və raket istehsalçısı SpaceX, ABŞ Aerokosmik Agentliyinin missiyası üçün dörd astronavtı Beynəlxalq Kosmik Stansiyaya aparacaq raketin buraxılması cəhdini texniki nasazlıq səbəbindən təxirə salıb.

SpaceX rəsmilərinin verdiyi açıqlamaya görə, Kennedi Kosmik Mərkəzindən həyata keçirilməsi planlaşdırılan raketin buraxılış cəhdi onun mühərrikinin alışma sistemində yaranan nasazlıq səbəbindən buraxılışına 2 dəqiqə qalmış dayandırılıb.

Səlahiyyətlilər problemin mühərrikin alışma mayesini doldurmaq üçün istifadə edilən yerüstü avadanlıqla bağlı olduğunu düşünür.

Raketin buraxılış cəhdi üçün yeni tarix müəyyən edilməsə də, iki ABŞ astronavtı, bir rus kosmonavtı və bir BƏƏ astronavtı daşıyacaq kosmik gəminin bölgədəki hava şəraiti uyğun olarsa, sabah göndəriləcəyi gözlənilir.

Kosmik gəmidən yerə enmək üçün raketin tamamilə boşalmasını gözləyən komandanın lideri Stiven Bouen vəziyyətlərinin yaxşı olduğunu və missiyanın əvvəlində səbirsizliklə göndəriləcəklərini gözləyəcəklərini bildirib.

Bouen və komandası keçən ilin oktyabr ayından Beynəlxalq Kosmik Stansiyada yer alan astronavtların vəzifəsini alacaqlar.

Ülkər Piriyeva