Dövlət Duması Mixail Mişustini yenidən Rusiyanın Baş naziri vəzifəsinə təsdiqləyib.

Azadmedia.az xəbər verir ki, məlumatı TASS yayıb.

Belə ki, Dövlət Duması plenar iclasda Mixail Mişustinin Rusiya hökumətinin sədri vəzifəsinə təsdiq edilməsinə səs verib. Məlumata görə, M. Mişustinin bu vəzifəyə təyin edilməsi ilə bağlı Dövlət Dumasının müvafiq qətnaməsi Prezident Vladimir Putinə göndəriləcək. Səsvermədə Kommunist Partiyası bitərəf qalıb.
Həmçinin bildirilib ki, onun namizədliyi ilə bağlı təklif mayın 10-da Rusiya Prezidenti Vladimir Putin tərəfindən Dumaya daxil olub. Səsvermədə M.Mişustinin namizədliyinin lehinə 375 deputat səs verib, 57 deputat bitərəf qalıb, əleyhinə səs verən olmayıb.