Serbiyanın Ukraynadakı səfiri tezliklə Kiyevə qayıdacaq.

Azadmedia.az xəbər verir ki, bunu Serbiya Prezidenti Aleksandr Vuçiç Ukraynanın xarici işlər naziri Dmitro Kuleba ilə görüşündən sonra özünün instaqram səhifəsində bildirib.

Belə ki, “Biz ikitərəfli münasibətlərin yaxşılaşdırılmasını müzakirə etdik və razılaşdıq ki, tezliklə iki ölkənin sahibkarları üçün iqtisadi forum təşkil edək”, - deyə Vuçiç qeyd edib.

Vurğulanıb ki, 2022-ci il martın əvvəlində Serbiyanın Kiyevdəki səfirliyi təhlükəsizlik səbəbi ilə fəaliyyətini dayandırıb və işçilər Belqrada təxliyə edilib.