Avropa Birliyinin baş diplomatı Jozep Borrell Beynəlxalq Cinayət Məhkəməsi prokurorunun İsrail Baş naziri Benyamin Netanyahu, müdafiə naziri Yoav Qallant və HƏMAS liderlərinin həbsinə order verilməsi tələbini şərh edib.

Azadmedia.az xəbər verir ki, baş diplomat bu barədə X səhifəsində yazıb.

Belə ki, “Müstəqil beynəlxalq qurum kimi BCM-in mandatı beynəlxalq hüquq normalarına uyğun olaraq ən ağır cinayətləri təqib etməkdir”, - deyə Borrell bildirib.

Qeyd edək ki, Beynəlxalq Cinayət Məhkəməsinin prokuroru İsrail Baş naziri Benyamin Netanyahu, müdafiə naziri Yoav Qallant və HƏMAS-ın 3 liderinin - Yəhya Sinvar da daxil olmaqla - həbsinə order verilməsini tələb etmişdi.