KTMT Ermənistanın təşkilatla münasibətlərinin perspektivlərinə aydınlıq gətirəcəyinə ümid edir.

Azadmedia.az xəbər verir ki, bunu KTMT-nin Baş katibi İmanqali Tasmaqambetov deyib.

Belə ki, “Ümid edirik ki, respublikanın siyasi rəhbərliyi KTMT ilə münasibətlərinin perspektivlərinə aydınlıq gətirəcək. Bu, ilk növbədə gələcək birgə fəaliyyətlərin tam planlaşdırılması üçün assosiasiyamızın bütün iştirakçılarının xeyrinə olardı”, - deyə o bildirib.

Həmçinin Baş katib qeyd edib ki, son bir il ərzində Ermənistandan olan həmkarlar təşkilatın tədbirlərində iştirakını əhəmiyyətli dərəcədə azaldıblar:

“Bununla belə, qarşılıqlı əlaqənin əsas mexanizmləri işləyir. Ermənistan təşkilatın tamhüquqlu üzvü olaraq qalır, bu ölkə qarşısında bütün öhdəliklər tam həcmdə saxlanılır”.