Gürcüstanın Avropa Birliyinə inteqrasiya prosesi ölkə parlamentinin “Xarici agentlər haqqında” qanunu qəbul etməsi səbəbindən dondurulub.

Azadmedia.az xəbər verir ki, bunu AB-nin Gürcüstandakı səfiri Pavel Gerçinski deyib.

Belə ki, “AB-yə inteqrasiya yekdillik tələb edir və biz artıq eşitmişik ki, bəzi üzv ölkələr bu qanun qəbul edilərsə, Gürcüstanla üzvlük danışıqlarının başlanmasının əleyhinə olacaqlarını açıq şəkildə bəyan ediblər”, - deyə Gerçinski bildirib.

Həmçinin Diplomat əlavə edib ki, gələn həftə Avropa Birliyi “Xarici agentlər haqqında” qanuna görə Gürcüstana qarşı cavab tədbirləri üzərində işə başlayacaq.