İranda yaşayan sünnilərin nüfuzlu təşkilatı - İran Sünnilərinin Milli Şurası iyunun 28-də keçirilməsi planlaşdırılan prezident seçkiləri ilə bağlı bəyanat yayıb.

Azadmedia.az xəbər verir ki, bu barədə şuranın sosial media hesabında paylaşım edilib.

Belə ki, Bəyanat müəllifləri sünnilərə qarşı ayrı-seçkiliyi xatırladaraq, seçkilərin onların vəziyyətinin dəyişdirilməsi üçün heç bir əhəmiyyət daşımadığını vurğulayıblar:

“İranda həqiqi və xalqların iradəsinə əsaslanan seçkilər keçirilməyib. Bu, sadəcə hakimiyyətə legitimlik qazandırmaq üçün qurulan nümayişdir”.

Qeyd edək ki, İran Sünniləri Milli Şurası ölkədə yaşayan bütün sünniləri iyunun 28-dəki seçkiləri boykot etməyə, hakimiyyətin şousunda iştirak etməməyə çağırıb.