PSJ-nin hücumçusu Neymar sabiq klubu "Barselona"ya qayıtmayacaq.

Bu barədə İspaniya mətbuatı məlumat yayıb. Kataloniya klubu futbolçunun həyat tərzindən narazıdır.

Keçidi çətinləşdirən ikinci amil Neymarın tez-tez zədələnməsidir.

Daha əvvəl mətbuatda Neymarın transferə hazırlandığı və bir neçə Premyer Liqa klublarının onunla maraqlandığı barədə məlumatlar yayılmışdı.

Neymar 2017-ci ildən PSJ-də çıxış edir. Forvardın klubla müqaviləsi 2025-ci ilə qədərdir.