Prezident Ərdoğan: Amerika təyyarə gəmisinin İsrailə göndərilməsi suallar doğurur
Türkiyə prezidenti Rəcəb Tayyib Ərdoğan ABŞ-ın “Gerald Ford” təyyarədaşıyan gəmisinin münaqişəyə cəlb olunmasının Qəzzada itkilərə səbəb olacağını bildirib. Azadmedia.az "Habertürk"ə istinadən xəbər verir ki, o, bu barədə Avstriya kansleri Karl Nehammerlə Ankarada keçirdiyi mətbuat konfransında bildirib.
"O, bütün təyyarələrini, qayıqlarını işə salacaq, Qəzzanı mühasirəyə alacaq və vuracaq" deyən Ərdoğanın sözlərinə görə, belə bir nəticə çoxlu sayda itki ilə nəticələnə bilər.
Ərdoğan daha əvvəl demişdi ki, İsrailin fələstinlilərə təzyiq göstərməsi onun öz xalqını təhdid edir.
Türkiyə liderinin sözlərinə görə, Fələstin-İsrail münaqişəsinin gərginləşməsinə İsrail tərəfinin verdiyi vədləri pozması şərait yaradıb.
Mətndə səhv var? Onu siçanla seçin və Ctrl+Enter düyməsini basın.