Qəzza zolağında BMT məktəblərinə sığınan 20-dən çox insan İsrailin son zərbələri nəticəsində həlak olub. Bu barədə CNN BMT-nin Fələstinli Qaçqınlara Yardım və İşlər üzrə Agentliyinin (UNRWA) Yaxın Şərq üzrə baş komissarı Filip Lazzariniyə istinadən məlumat yayıb.

CNN Lazzarinidən sitat gətirib: "Son bir neçə saat ərzində təxminən 20 min insanın yaşadığı üç məktəbimizin zədələndiyi barədə məlumat aldım". "Bunun Cəbəliyyədə 20-dən çox insanın, eləcə də çimərlik düşərgəsində bir nəfərin ölümünə səbəb olduğu bildirilir" dedi. “Bunlar Qəzzanın şimalında bir sıra köçkünlərə ev sahibliyi etdiyimiz UNRWA-nın rəsmi məktəbləridir”, - komissar qeyd edib.