İspaniya, İrlandiya və Norveç rəsmi olaraq Fələstini dövlət kimi tanıyırlar. “RİA Novosti” xəbər verir ki, bu barədə İrlandiyanın baş naziri Saymon Harris Sky News telekanalında yayımlanan mətbuat konfransında bildirib.

"Bu gün İrlandiya, Norveç və İspaniya Fələstin Dövlətini tanıdığımızı elan edirlər. İndi hər birimiz bu qərarın qüvvəyə minməsi üçün bütün milli zəruri addımları atacağıq", - o əlavə edib.

Siyasətçi yaxın həftələrdə digər ölkələrin də bundan nümunə götürəcəyinə əminliyini ifadə edib.

Norveç hökumətinin internet saytında Oslonun tanınması qərarının mayın 28-də qüvvəyə minəcəyinə də aydınlıq gətirilib.

İndiyədək Fələstini Avropa İttifaqına üzv olan doqquz ölkə tanıyıb. Səkkiz ölkə - Bolqarıstan, Kipr, Çexiya, Macarıstan, Malta, Polşa, Rumıniya və Slovakiya bu addımı 1988-ci ildə, Aİ-yə daxil olmamışdan əvvəl, İsveç isə 2014-cü ildə atmışdı.