43 yaşlı onlayn qumar təşkilatçısı 7 il 6 ay həbs edildi

Onlayn qumar və mərc oyunlarının təşkili ilə məşğul olmaqda ittiham edilən 43 yaşlı Həsən Səbili məhkəmənin hökmü ilə cəzalandırılıb.

Əldə edilən məlumata əsasən, o, Cinayət Məcəlləsinin 193-1.3.2, 244-1.2.2 və 244-1.2.4-cü maddələri ilə təqsirli bilinib.

Müəyyən olunub ki, H.Səbili 2025-ci il ərzində müxtəlif maliyyə əməliyyatları həyata keçirərək 646 761,33 manat vəsaitin izinin itirilməsini təmin edib. O, “7isles” adlı onlayn kazino saytında qumar oyunlarının təşkilində və keçirilməsində iştirak edib, həmin məbləğdə vəsaiti leqallaşdırıb.

Sumqayıt Ağır Cinayətlər Məhkəməsi Həsən Səbilini 7 il 6 ay müddətinə azadlıqdan məhrum edib.