Finlandiya və Estoniyanı birləşdirən sualtı elektrik kabeli Baltik dənizində zədələnib. Finlandiya hakimiyyəti bu insidentlə bağlı araşdırmaya başlayıb və bəyan edib ki, təxribat ehtimalını istisna etmək olmaz.
Euronews telekanalının məlumatına görə, çərşənbə günü günorta Baltik dənizinin dibində Finlandiya və Estoniyanı birləşdirən elektrik kabelində qırılma olub. Bu, Baltik dənizində telekommunikasiya kabellərinin və enerji boru kəmərlərinin zədələnməsi ilə bağlı silsilə hadisələrin sonuncusudur.

Finlandiyanın baş naziri Petteri Orpo “X” səhifəsində yazıb ki, “Bu gün Finlandiya ilə Estoniya arasında Estlink 2 elektrik ötürücü xətti kəsilib”.

Finlandiyanın elektrik enerjisi ötürücü şəbəkələrinin milli operatoru Fingrid öz bəyanatında bildirib ki, EstLink 2 kabelinin cari kəsilməsi yerli vaxtla saat 12:26-da (Mərkəzi Avropa vaxtı ilə 11:26) baş verib. Helsinkinin kifayət qədər elektrik enerjisi ilə təmin edildiyini bildirən şirkət, hadisənin Finlandiyada elektrik enerjisinin kəsilməsinə səbəb olacağını bildirib.

Estoniyanın şəbəkə operatoru Elinq bəyan edib ki, o, Estoniya tərəfinin elektrik enerjisinə olan tələbatını ödəmək üçün kifayət qədər sərbəst tutuma malikdir.

Finqridin əməliyyat departamentinin rəhbəri Arto Paxkin Finlandiyanın Yle televiziya şirkətinə deyib ki, “təxribat ehtimalı istisna oluna bilməz”. Bundan əvvəl Skandinaviya ölkəsinin hakimiyyəti Baltik dənizində sualtı infrastrukturun vəziyyətindən narahat idi. Noyabr ayında biri Finlandiya ilə Almaniya, digəri isə Litva və İsveç arasında olan iki rabitə kabeli kəsilib.