Fransa prezidenti Emmanuel Makron Aİ-nin Brüssel sammitinin birinci günü başa çatdıqdan sonra martın 27-də Parisdə Ukrayna ətrafındakı vəziyyəti müzakirə etmək üçün bir neçə ölkə liderlərinin görüşünün keçiriləcəyini bildirib.
“Gələn cümə axşamı Parisdə [Ukraynaya yardım göstərmək istəyənlərin] koalisiyasının sammitini keçirəcəyik”, - Makron bildirib.
Bundan əvvəl Bloomberg agentliyi Almaniya, Fransa və Polşa da daxil olmaqla Avropa Birliyinin aparıcı dövlətlərinin, eləcə də Aİ-yə daxil olmayan ölkələr Kanada və Böyük Britaniyanın gələn həftə Parisdə Ukrayna ətrafındakı vəziyyəti müzakirə etmək üçün yeni sammit keçirəcəyini bildirmişdi. Agentliyin məlumatına görə, bu ölkələr martın 20-də Brüsseldə keçiriləcək sammitdə Rusiya ilə ABŞ arasında Ukrayna üzrə danışıqlara necə təsir edə biləcəkləri barədə müzakirəni davam etdirəcək və ideal halda, bu danışıqlarda iştirak etmək imkanı əldə edəcəklər.