ABŞ Milli Aeronavtika və Kosmik Tədqiqatlar İdarəsi (NASA) Vaşinqtonda yerləşən qərargahını bağlamaq və əsas funksiyaları ştatlar arasında bölüşdürmək imkanını nəzərdən keçirir. Bu barədə məlumatlı mənbələrə istinadən “Politico” məlumat yayıb.

Nəşr qeyd edir ki, bu addım ABŞ prezident administrasiyasının federal xərcləri azaltmaq kursuna uyğundur. 2,5 minə qədər iş yeri, eləcə də kosmik tədqiqatların idarə edilməsi və elmi missiyaların həyata keçirilməsi funksiyaları təsir altına düşə bilər.

Kosmik sənaye lobbiçisi Tom Kulliqan qeyd edib ki, NASA üçün əsas təhlükə agentliyin hərəkətlərinin koordinasiyasını itirmək ehtimalıdır. Keçmiş yüksək səviyyəli administrasiya rəsmisi Dan Dumbacher qeyd etdi ki, qərargah funksiyalarının Vaşinqtondan kənara köçürülməsi kommunikasiyaları çətinləşdirəcək və ləngitəcək, bu da şəhərdəki səfirliklər vasitəsilə qurulan beynəlxalq əməkdaşlığa təsir edəcək.

Bundan əvvəl xəbər verilmişdi ki, NASA agentliyinin Vaşinqtondakı mənzil-qərargahında çalışan işçilər ABŞ prezidenti Donald Trampın göstərişindən sonra tarakanlarla yaşamağa məcburdurlar. Söhbət Amerika liderinin distant rejimdə işləyən işçilərin ofislərə qaytarılması ilə bağlı fərmanından gedir.