Azərbaycan çox güman ki, Ermənistana yeni tələblər təqdim edib. Bunu martın 28-də Milli Assambleyada ənənəvi brifinqlər zamanı “Ermənistan” müxalifət blokunun deputatı Artur Xaçatryan deyib: “Və Ermənistanın baş naziri Nikol Paşinyanın parlamentdə deputatlarla son görüşü zamanı davranışı bunun ən parlaq təsdiqidir”, - deyə deputat bildirib.

Xaçatryan istisna etməyib ki, Bakı iki Qarabağ müharibəsi iştirakçılarının ekstradisiyasını tələb edə bilər.

"Mən istisna etmirəm ki, Bakı hətta konkret müddət də qoya bilər", - müxalifətçi bildirib.

Millət vəkilinin sözlərinə görə, Nikol Paşinyanın hakimiyyətdə qalması birbaşa Türkiyə və Azərbaycan prezidentləri Rəcəb Tayyib Ərdoğan və İlham Əliyevin ona olan xoş münasibətindən asılıdır.