Moskvada Rusiya və İran Xarici İşlər nazirlikləri rəhbərlərinin müavinlərinin görüşü baş tutub. Tərəflər birgə çərçivələrin inkişafı üçün sıx məsləhətləşmələri davam etdirmək barədə razılığa gəliblər.
Rusiya diplomatiyası rəhbərinin müavini Sergey Ryabkov iranlı həmkarı Məcid Taxt-Rəvançi ilə danışıqlar aparıb. Bu barədə İranın Moskvadakı səfirliyinin mətbuat xidməti məlumat yayıb.

Görüş zamanı Rusiya və İranın xarici siyasət idarələri rəhbərlərinin müavinləri İİR-in nüvə proqramı üzrə danışıqlar prosesi ilə bağlı vəziyyət barədə danışıblar.

Diplomatların ziddiyyətlərin aradan qaldırılması və Tehrana qarşı sanksiyaların aradan qaldırılması üçün zəruri olan birgə çərçivənin hazırlanması üçün sıx məsləhətləşmələri davam etdirmək barədə razılığa gəldiyi qeyd edilir.

Onu da əlavə edək ki, martın sonunda nüvə proqramı və anti-İran məhdudiyyətlərinin aradan qaldırılması ilə bağlı İran, Böyük Britaniya, Almaniya və Fransanın iştirakı ilə danışıqların raundu keçirilib.