Türkiyənin dənizkənarı kurortlarında turistlər Vibrio bakteriyasına yoluxmaq riski ilə üzləşirlər. Onun bir növü vəba, digəri nekroz yarada bilər, həkimlər xəbərdarlıq edir.
“Milliyet” qəzeti xəbər verir ki, İstanbuldakı Florence Nightingale xəstəxanasından doktor Uğur Aferin bildirib ki, Türkiyədə turistlər daha diqqətli olmalıdırlar, dənizdə təhlükəli bakteriya aşkarlanıb.

Məlumata görə, Mərmərə, Egey və Aralıq dənizi sahillərində aparılan son tədqiqatlar nəticəsində açıq yaraların olması ilə xüsusilə təhlükəli olan Vibrio parahaemolyticus və Vibrio vulnificus kimi bakteriyaların DNT-si aşkarlanıb.