Azərbaycan Dövlət Rus Dram Teatrının direktoru Ədalət Hacıyev və kollektivi oktyabrın 22-də teatrın keçmiş aktyoru İosif Tkaç Zusyeviç və həyat yoldaşı Lyudmila Tkaç Mixaylovnanın vəfatı ilə bağlı nekroloq yayıb.

Azadmedia.az xəbər verir ki, nekroloqda deyilir:

"Bugün, Azərbaycan mədəniyyətinə ağır itki üz verib. Azərbaycan Dövlət Rus Dram Teatrının keçmiş aktyoru İosif Tkaç Zusyeviç və həyat yoldaşı Lyudmila Tkaç Mixaylova vəfat edib.
Onun Azərbaycan mədəniyyətinin inkişafında xidmətləri yüksək qiymətləndirilir.
İncəsənət aləmində çoxşaxəli yaradıcılıq diapazonu ilə seçilmiş mərhumun və ailəsinin vəfatı son dərəcə üzücüdür. Uca Tanrıdan məhrumun doğmalarına, əzizlərinə və onlara dəyər verən hər kəsə səbir diləyir, kədərlərini bölüşürük.
Mərhumların ailə üzvlərinə, doğmalarına və əzizlərinə dərin hüznlə başsağlığı veririk.
Görkəmli mədəniyyət işçisinin işıqlı xatirəsi həmkarlarının və onu tanıyanların qəlbində hər zaman yaşayacaq.
Allah rəhmət eləsin!”