Bakı, 26 oktyabr — Azadmedia.az

Quba şəhərində "Soyqırımı Memorial Kompleksi"nin təşəbbüsü, Quba-Xaçmaz Regional Təhsil İdarəsinin dəstəyi ilə ümumtəhsil məktəblərində təşkil olunan Qarabağ bölgəsinin işğaldan azad olunmuş ərazilərindəki abidələrin keçmişi və bugünkü vəziyyəti ilə bağlı fotoşəkillərin nümayiş olunmasına start verilib.

Kompleksin mətbuat katibi Abutalib Turabovun Azadmedia.az-a verdiyi məlumata görə, sərgidə bələdçilər tərəfindən həmin tarixi abidələr haqqında ətraflı məlumat verilir.

8 Noyab Zəfər Günü ərəfəsində keçirilən sərginin məqsədi mədəni irsimizin qorunması, Vətən müharibəsi sonrası Qarabağın yenidənqurma prosesinə gənclərin diqqətinin cəlb edilməsi, gənc nəsildə milli ruhun yüksəldilməsi və onların tarixi həqiqətlərlə tanış olmalarına vəsilə olmaqdır.