Etibarlı ərzaq təminatı hər bir ölkənin iqtisadi sabitliyinin və sosial dayanıqlılığının başlıca şərtidir. Bu baxımdan Azərbaycan dövləti əhalinin ərzaqla etibarlı təminatına dair tədbirlər həyata keçirməkdə davam edir. Ölkədə ərzaq təhlükəsizliyinin birbaşa asılı olduğu aqrar sahənin inkişafına yönələn irimiqyaslı dövlət proqramları həyata keçirilməkdədir. Elə bu səbəbdəndir ki, əhalinin etibarlı ərzaq təminatı dövlətin iqtisadi siyasətinin başlıca istiqamətlərindən birini təşkil edir. Azərbaycan iqtisadiyyatının ayrılmaz hissəsi olan kənd təsərrüfatı sürətlə inkişaf edir.

Əlbəttə ki, bu sahədə qarşıya qoyulan məqsədlərə nail olmaq üçün ölkədə peşəkarlara, sahənin bilicilərinə böyük ehtiyac var. Ələlxüsus da rəhbər vəzifələrə kadr seçimində diqqətli olmaq lazımdır. Kadr məsələsini yerlibazlığa, qohumbazlığa, korruptiv əlaqələrə qurban vermək olmaz.

Ancaq “Azəraqrar Dövlət İstehsalat və Emal Birliyi” MMC-nin Abşeron Regional İdarəsin Şəki şöbəsində qaydalar və prinsiplər tam başqadır.

RealMedia.az xəbər verir ki, gördüyünüz bu sahələr Şəki rayonunun Daşüz kəndinin ərazisində yerləşir və bu kadrlar 18 aprel 2019-cu il tarixində çəkilmişdir. Bir zamanlar bura Şəki «KTİM» MMC-nin əkin sahələri olub. İndi isə “Azəraqrar Dövlət İstehsalat və Emal Birliyi” MMC -nin istifadəsindədir. Şəki «KTİM» MMC 2018-ci ilin sentyabr ayının 26-da Nazirlər Kabinetinin sərəncamı ilə ləğv edilsə də, payız aylarında müəssisənin bütün heyəti fəaliyyətini davam etdirmiş və müəssisənin 600 ha. ərazisində payızlıq taxıl səpini həyata keçirilmişdir. Səpin işləri noyabr-dekabr aylarında aparılmışdır. Səpin işlərinin aparılması üçün bizə Kənd Təsərrüfatı Nazirliyi tərəfindən yalnız nisyə toxum və 40 ton gübrə verilmişdir. Qalan bütün vəsaiti şəxsi hesabımızdan ödəmişik.

Kadrlardan gördüyünüz kimi sahələrdən yüksək səviyyədə bitiş alınıb və 35-40 sentner məhsul gözlənilir.

(Qeyd edək ki, Anar Hüseynovun rəhbərlik etdiyi “Azəraqrar Dövlət İstehsal və Emal Birliyi” MMC-nin nəzarəti altında olan bütün taxıl sahələrinin bu vəziyyətdə olduğu bildirilir.)

RealMedia.az –a müraciət edən Tacıyev İlham Veysəl oğlu yazır: «Bu müəssisədə 3 vəzifəni – anbardar, aqronom və sürücü vəzifəsini icra etmişəm və bunun qarşılığında heç bir əməkhaqqı və digər gəlir əldə etməyib. Biz düşündük ki, dövlətimiz və xalqımız üçün çalışırıq. Bizə deyirdilər ki, biçin mövsümündə dövlətimiz zəhmətimizin əvəzini müəyyən qədər qarşılayacaqdır. Əkilən bütün sahələr dövlət nəfinə əkilmiş bir metr də olsun əkin sahəsi tərəfimizdən icarəyə verilməmişdir.Üstəgəl 140 ha əkin sahəsi yazlıq əkinlər üçün şumlanaraq ondan 31 ha ərazi malalanaraq əkinə hazırlansa da 100 ha əkin sahəsi aşağıda adını çəkəcəyimiz Arzu Əliyev və onun əlaltısı Ramin Əhmədov tərəfindən müxtəlif şəxlərə icarəyə verilmiş, qalan ərazinin də icarəyə verilməsi bu günlər onlar tərəfindən planlaşdırılır. Düzdür, onlar ilk sohbətdə həmişə olduğu kimi bunu inkar edəcəklər. Çünki, həm çəkinir, həmdə torpaqların reyestr çıxarışları olmadığından və həmin torpaqlar hazırda Əmlak Komitəsinin balansında olduğundan rəsmi müqavilə bağlamaq hüquqlarının olmadğından bu faktı danırlar. Lakin bu məsələ ilə bağlı əsaslı sübutlar Anar Hüseynovun «Whatçapp» nömrəsinə tərəfimizdən göndərilmişdir və o susur. Bu da bizə onun bu proseslərin iştirakçısı, əsas qərarverən və yönlədici şəxs olduğunu güman etməyə bizdə əsaslı şübhələr yaradır.

2019-cu ilin yanvar ayında Kənd Təsərrüfatı Nazirliyinə – “Azəraqrar Dövlət İstehsalat və Emal Birliyi” MMC-nin rəhbərliyinə gələn Anar Hüseynov, həmin müəssisənin Abşeron İdarəsinin rəisi Arzu Əliyev və onun dostunun bacısı oğlu olan və bu gün Şəkidə anbardar vəzifəsində çalışan Ramin Əhmədov nəinki bizimlə əməkdaşlıq etdilər, şəxsən məni işdən qeyri-qanuni olaraq uzaqlaşdıraraq hər şeyi Ramin Əhmədova təhvil verdilər, heç bizə sağ ol da demədilər. Baxın, kadrlardan da göründüyü kimi hər şeyi anbardara verməyin nəticəsi bu cür də nəticələnməli idi ki, bütün bu sahələr alaq otları içində batır, məhsuldarlıq aşağı düşür. Adlarını qeyd etdiyim adamlar mənasız intriqalara, qohumbazlıq və dostbazlıq prinsipləri ilə yeni komanda formalaşdırmağa sərf etdikləri müddətdə qurd əleyhinə, alaq otları əleyhinə tədbir görməli idilər».

Kənd Təsərrüfatı nazırı İnam Kərimov özü bir neçə ay öncə tapşırıq verib ki, alaq otlarına qarşı bütün Respublikada mübarizə aparılsın. Lakin ən xırda pay torpaqlarında istehsalla məşğul olan vətəndaşlarımız alaq otlarına qarşı mübarizə apardıqları halda Kənd Təsərrüfatı Nazirliyinə bağlı təsərrüfatda isə heç bir aqrotexniki tədbirlər həyata keçrilmir. Artıq gecdir, vaxt ötmüşdür. Taxıllar boruya girmək və sünbül açmaq mərhələsindədir.

Bütün bunları qeyd etməkdə məqsədim çəkdiyim əziyyətin kimlərinsə günahından bada getməsidir. El arasında deyildiyi kimi “qeyrət adamı boğur”.

Baxın, deyirlər guya bura azot gübrəsi səpmiş, kəsəyən və digər gəmiricilərə qarşı mübarizə tədbirləri aparılmışdır. Amma göründüyü kimi sahələrdə bir dənə də kəsəyən dəliyinə rast gəlinmir. Eyni zamanda gübrə səpilməsinin əlamətləri də yoxdur. Əgər sahələrə gübrə səpilsə idi burada kübrə səpən texnikanın təkər izləri hələ də qalmalı idi. Halbuki, həmin adamlar iddia edirlər ki, kübrəni sahələrə bir həftə əvvəl səpilmişlər. Bu da həmin adamların yalandan xərclənməyən pul vəsaitini məxaric etməklə qeyri-qanuni gəlir əldə etmək arzularından qaynaqlanır. Görünən odur ki, adını çəkdiyimiz şəxslər yalnız heç bir xərc və əziyyət çəkmədən sadəcə məhsul biçməyi planlaşdırırlar ki, bu da dövlət başçımızın siyasətinə ziddir və bütün ictimaiyyəti ən əsasda cənab nazirimizi aldatmağa yönəlmiş addımlardır. Əgər hazır məhsul biçərək ondan gəlir əldə etmək bu şəxslərin yeganə məqsədi olmasa idi, onda cənab nazirimizin təhfil-təslim haqqında müvafiq əmri olmadan 2019-cu ilin yanvar ayının 27-də Arzu Əliyevin şəxsi maraq və təşəbbüsləri ilə əvvəllər bir yerdə işlədikləri dostu Firmanın bacısı oğlu Ramin Əhmədov müəssisəyə anbardar təyin edilərək bütün vəsaitlər ona təhfil verilməz, digər vəzifəli şəxslər qanunsuz olaraq işdən uzaqlaşdırılmazdılar. Bunların məqsədi əziyyətsiz əkilmiş taxıla sahib olmaq idi ki, bu mənada da Arzu Əliyevə ən yaxın şəxsin məhz anbardar vəzifəsinə təyin edilməsinin gizli məqamları məhz tək bu misalla aydın olur.

Gəlin inanaq ki, cənab nazir bu məsələn öz nəzarətinə götürəcək öz qeyd olunan halların araşdırılmasına bir başa rəhbərlik edəcəkdir. Hərgah ki, şikayətçi rəsmi olaraq nazir İnam Kərimova 3 dəfə yazılı müraciət etməyinə baxmayaraq, onun şikayətinə cavab verilməyib.

P.S. Ramin Əhmədov bu gün artıq öz hərəkətlərində o qədər irəli gedib ki, heç bir təhvil-təslim aktı olmadan müəssisənin vacib maliyyə-uçot sənədlərinin saxlanıldığı seyfi sındırmaq yolu ilə sənədləri özbaşına ələ keçirməyə cəhd göstərmiş və demişdir ki, bu tapşırıq Arzu Əliyev tərəfindən verilmişdir. Yalnız Anar Hüseynovun müavini Cəfər İbrahimovla telefon danışıqından sonra bu proses səngimişdir. 2019- cu ilin yanvar ayının 27-də butun qapı acarlarını dəyişərək baş mühasibi ofisə girməsini məhdudlaşdıran Ramin Əhmədov baş mühasib İnnab Quliyevanı daim təyziq altında saxlamağa səy göstərir. Bu müəssisədə bütün sahələr üzrə qanunsuzluqlar indi də davam etməkdədir.

Redaksiyadan: KTN-nin “Göygol İstehsal və Emal Birliyi” MMC-nin sabiq direktoru Rasim Şəfiyevlə Anar Hüseynov arasında yaranmış xoşa gəlməz qalmaqalın təfərrüatları barədə isə növbəti sayımızda

Yazı ilə bağlı qarşı tərəfin mövqeyini dinləməyə və dərc etməyə hazırıq.

RealMedia.az