![“Baykar” zəlzələdən zərər çəkən 10 min şagirdə planşet hədiyyə etdi -](/uploads/posts/2023-03/1678871892_844dadcd-670a-465c-8104-5448b635c29f.jpeg)
“Baykar” zəlzələdən zərər çəkən 10 min şagirdə planşet hədiyyə etdi
“Baykar” əsrin fəlakəti adlandırılan zəlzələdən zərər çəkmiş tələbə və şagirdlərin təhsilinə dəstək olmaq üçün 10.000 planşet hədiyyə edərək yeni kampaniyaya rəhbərlik edir. “Baykar” İdarə Heyətinin sədri Səlcuq Bayraktarın hər kəsi dəvət etdiyi kampaniya çərçivəsində bağışlanacaq planşetlər Milli Təhsil Nazirliyi tərəfindən zəlzələ bölgəsində “YKS” və “LGS” imtahanlarına qatılacaq şagirdlərə paylanacaq.
Bu barədə Azadmedia.az-a “Baykar” şirkətinin ictimaiyyətlə əlaqələr şöbəsindən məlumat verilib.
“Baykar” İdarə Heyətinin sədri Səlcuq Bayraktar ianə kampaniyası ilə bağlı açıqlamasında “bölgədəki qardaşlarımızı dəstəkləməyə davam edirik”, - deyə qeyd edib.
“Yaşadığımız zəlzələ fəlakətindən bir aya yaxın vaxt keçir. Bu prosesdə dövlətimiz və bütün qeyri-hökumət təşkilatlarımız zəlzələ bölgəsindəki qardaşlarımızın əsas həyat ehtiyaclarını ödəmək üçün çox çalışıblar və bunu davam etdirirlər. “Baykar”, “T3 Vəqfi” və “CANSAĞLIĞI Vəqfi” olaraq könüllülərimizlə birlikdə bölgədəki qardaş və bacılarımıza humanitar yardım ləvazimatları, mənzil ianələri, konteyner şəhərlər, müvəqqəti mətbəxlər, oyun və tədbir çadırları ilə dəstəyimizi davam etdiririk. Millətimizi və qurumlarımızı ianə kampaniyasına dəvət edirik. Gənc bacı və qardaşlarımızın təhsillərini qaldıqları yerdən davam etdirə bilmələri də bizi maraqlandırır. Bu istiqamətdə Milli Təhsil Nazirliyinə 10.000 planşet hədiyyə edir, bütün millətimizi və qurumlarımızı bu kampaniyaya dəstək olmağa dəvət edirik”, - deyə S.Bayraktar əlavə edib.
Ülkər Piriyeva
Mətndə səhv var? Onu siçanla seçin və Ctrl+Enter düyməsini basın.