Hindistanda adam oğurluğunda təqsirli bilinən keçmiş siyasətçi Atiq Əhməd qardaşı ilə birlikdə canlı yayım zamanı güllələnib.

Belə ki, bu barədə “CNN” məlumat yayıb.

Polisin müşayiəti altında olan Əhməd Allahabad kimi tanınan Prayaqrac şəhərində jurnalistlərlə danışarkən başına silah tuşlanıb.

Nəzərinizə çatdıraq ki, tapançadan açılan atəşlərdən sonra özlərini jurnalist kimi təqdim edən üç nəfər polisə təslim olub və onlar nəzarətə götürülüblər.

Qeyd edək ki, qardaşlar hadisə yerində keçiniblər, daha iki nəfər yaralanıb.