Ukrayna müharibəsində böyük itkilər və səfərbərlik elan etmək istəməməsi fonunda Rusiya hərbi əməliyyatlarda iştirak etmək üçün qonşu ölkələrdən vətəndaşları cəlb etməyə çalışır.

Azadmedia.az xəbər verir ki, bu barədə Britaniya Müdafiə Nazirliyinin hesabatında qeyd olunub.

Belə ki, “Ermənistan və Qazaxıstanda 495 000 rubl (5 140 ABŞ dolları) ilkin ödəniş və 190 000 rubldan (1 973 ABŞ dolları) başlayan maaşlar təklif edən onlayn reklamlar qeydə alınıb. Qazaxıstanın şimalındakı Kostanay vilayətində etnik rus əhaliyə müraciətlə işə götürülmə cəhdləri edilib. Bundan əlavə, Mariupola inşaat işlərində işləməyə gələn özbək miqrantların pasportları müsadirə edilib və onlar Rusiya ordusuna qoşulmağa məcbur edilib. Rusiya 2023-cü ilin may ayından etibarən Mərkəzi Asiyadan olan miqrantlara Ukraynada döyüşməyi təklif edir, vətəndaşlıq və 4160 dollara qədər maaş vəd edir”, - deyə hesabatda qeyd olunub.