Pakistanın Bəlucistan əyalətinin Vaşuk rayonunda sərnişin avtobusu qəzaya uğrayıb.

Azadmedia.az xəbər verir ki, bu barədə “Daily Pakistan” qəzeti məlumat yayıb.

Belə ki, qəza nəticəsində azı 28 nəfər ölüb, 20-yə yaxın şəxs isə yaralanıb.

Həmçinin ilkin versiyaya görə, avtobusun təkəri partlayıb və yoldan çıxaraq aşıb.

Hadisə yerinə xilasedicilər cəlb edilib, yaralılar xəstəxanaya yerləşdirilib.