Yəmən husi üsyançıları ABŞ-ın Qırmızı dəniz sahilindəki “Ras İsa” limanına endirdiyi aviazərbələr nəticəsində azı 13 nəfərin öldüyünü bildirib. Bu barədə Kazinform agentliyi BBC-yə istinadən xəbər verir.
"Amerikanın təcavüzü nəticəsində 13 liman işçisi həlak olub, daha 30 nəfər yaralanıb", - AFP Husilərin nümayəndəsi Anisa Alasbaxın sosial şəbəkələrdəki mesajından sitat gətirir.

Bundan əvvəl Amerika hərbçiləri husilərin yanacaq təchizatını kəsmək üçün zərbələr endiriblər.

ABŞ Silahlı Qüvvələrinin Mərkəzi Komandanlığının (CENTCOM) bəyanatında deyilir: "Amerika qüvvələri İranın dəstəklədiyi husi terrorçuları üçün bu yanacaq mənbəyini aradan qaldırmaq və onları 10 ildən artıqdır ki, husilərin bütün regionu terror etmək səylərini maliyyələşdirən qeyri-qanuni gəlirlərindən məhrum etmək üçün hərəkətə keçib".

Amerika hərbçilərinin bildirdiyinə görə, Vaşinqton bu ilin əvvəlində qiyamçıları xarici terror təşkilatı elan etməsinə baxmayaraq, gəmilər liman vasitəsilə yanacaq daşımağa davam edib.