Sinqapur aviaşirkətinə məxsus sərnişin təyyarəsi Azərbaycanın paytaxtında məcburi eniş edib. Buna səbəb sərnişinin səhhətinin pisləşməsidir.
Oktyabrın 14-ü axşam saatlarında Mançesterdən Sinqapura uçan Sinqapur Hava Yollarına məxsus təyyarə Azərbaycanda məcburi eniş edib. Bu barədə Azərbaycan KİV yazır.

Təyyarənin ekipajı sərnişinlərdən birinin səhhətində yaranan problemlərə görə belə bir qərar qəbul edib.

Layner Bakıya yerli vaxtla saat 19:45-də (Moskva vaxtı ilə 18:45) enib. Sərnişinə dərhal ilkin tibbi yardım göstərilib, sonra isə tibb müəssisəsinə aparılıb.