Çinin şimal-qərbində yerləşən Qansu əyalətində baş verən torpaq sürüşməsi nəticəsində azı 16 nəfər dağıntılar altında qalıb.

Məlumata görə, hadisə iyulun 7-də səhər saatlarında Lunnan şəhərində qeydə alınıb.

Hazırda hadisə yerində xilasedicilər, tibb işçiləri və hüquq-mühafizə orqanlarının əməkdaşları axtarış-xilasetmə əməliyyatları aparırlar.

Bildirilir ki, yerli hakimiyyət orqanları təbii fəlakət zonasında yaşayan insanların təxliyəsini təmin edib və zərərçəkənlərin müvəqqəti yerləşdirilməsi üçün müvafiq tədbirlər görüb.

Torpaq sürüşməsinin səbəbləri araşdırılır. Hadisə nəticəsində ölən və ya xəsarət alanlarla bağlı hələlik rəsmi məlumat açıqlanmayıb.