Trampın açıqlamalarına İranın XİN başçısından cavab: “Təhqirlər xalqımızın böyüklüyünü kiçiltmir”
İranın xarici işlər naziri ABŞ Prezidenti ın son bəyanatlarına münasibət bildirib.

Əraqçi "X" sosial şəbəkəsində paylaşdığı açıqlamada İran xalqına qarşı işlədilən təhqiramiz ifadələrin ölkəsinin ləyaqətinə və böyüklüyünə xələl gətirmədiyini vurğulayıb.

Nazir qeyd edib ki, iranlılar qədim sivilizasiyası, zəngin mədəniyyəti və yüksək mənəvi dəyərləri ilə tanınırlar.
“Cəsur və sivil İran xalqına qarşı təhqiramiz ifadələr işlədilməsi onun böyüklüyünü azaltmır. İranlılar mədəniyyətləri və yüksək əxlaqi dəyərləri ilə tanınırlar. Biz kobudluğa kobudluqla cavab vermirik. Cavabımız əməllərimizdir – qorxmadan və böyük cəsarətlə”, – deyə Əraqçi paylaşımında bildirib.