ABŞ İrandan Hörmüz boğazını elə bu gündən açıq elan etməsini tələb edib.

Bu barədə “Axios” nəşrinin jurnalisti Barak Ravid amerikalı rəsmilərə istinadən “X” hesabında yazıb.

“Tramp administrasiyası İrandan şənbə günü Hörmüz boğazının açıq olduğunu etiraf edən və kommersiya gəmilərinin atəşə tutulmasına son qoymağı öhdəsinə götürən açıq bəyanatla çıxış etməsini tələb edir”, - paylaşımda deyilir.

Başqa bir mənbə isə Vaşinqtonun Tehranı tələbləri yerinə yetirilməyəcəyi təqdirdə, ağır fəsadlarla hədələdiyini bildirib.

“Ya onlar belə bir bəyanat verəcəklər, ya da onlar üçün hər şey pis qurtaracaq”, - mənbə deyib.