Rusiyada döyüş təyyarəsi qəzaya uğrayıb.

Azadmedia.az xarici KİV-ə istinadən xəbər verir ki, Rusiya Müdafiə Nazirliyi Rusiya Hərbi Hava Qüvvələrinə məxsus Su-24 tipli döyüş təyyarəsinin planlı uçuş zamanı Volqoqrad vilayətindəki boş ərazidə düşdüyünü açıqlayıb.

Belə ki, həmin Bəyanatda bu ifadələrə yer verilib: “Su-24 təyyarəsi planlı təlim üçüşü zamanı qəzaya uğrayıb. Sursatsız uçuş həyata keçirən təyyarə boş əraziyə düşüb.Hadisə yerinə axtarış-xilasetmə qruplarına məxsus Mi-8 helikopterləri göndərilib”.

Qeyd edək ki, pilotların vəziyyəti ilə bağlı məlumat verilməyib. Hərbi təyyarənin qəzaya uğradığı ərazidə itki və dağıntının olmadığı bildirilib.