2026-cı il dünya çempionatının K qrupunda Portuqaliya millisi ikinci tur çərçivəsində Özbəkistan yığmasını 5:0 hesabı ilə məğlub edib.

Hüston şəhərində keçirilən görüşdə hesabı 6-cı dəqiqədə Kriştianu Ronaldo açıb. 17-ci dəqiqədə Nunu Mendeş fərqi artırıb, 39-cu dəqiqədə isə Ronaldo özünün ikinci qolunu vuraraq hesabı 3:0-a çatdırıb. İkinci hissədə Özbəkistanın qapıçısı Abduvoxid Ne'mətov avtoqola imza atıb, 87-ci dəqiqədə isə Rafael Leau yekun hesabı müəyyənləşdirib – 5:0.

Bu nəticədən sonra Portuqaliya 4 xalla K qrupunda liderliyə yüksəlib. Kolumbiyanın 3 xalı var, Konqo Demokratik Respublikası 1 xalla üçüncü, xalsız Özbəkistan isə sonuncu pillədə qərarlaşıb. Qrupun digər oyunu Kolumbiya ilə Konqo Demokratik Respublikası arasında keçiriləcək.