İsrailin xarici işlər naziri Gideon Saar futbol üzrə dünya çempionatının yarımfinalında İngiltərənin Argentinaya məğlub olmasından sonra ingilis azarkeşləri ilə istehza edib.

O, sosial şəbəkə hesabında "Football's coming home" ("Futbol evə qayıdır") mahnısına işarə edərək yazıb: "Futbol həqiqətən də evə qayıdır. Amma bu ev Argentinadır. İrəli, Argentina!"

Yarımfinal görüşündə Argentina İngiltərəni 2:1 hesabı ilə məğlub edib. İngilislər Entoni Qordonun qolu ilə hesabı açsalar da, Enso Fernandes tarazlığı bərpa edib. Əlavə olunmuş dəqiqələrdə Lautaro Martinesin qolu Argentinaya qələbə qazandırıb.

İyulun 19-da Nyu-Yorkda keçiriləcək finalda Argentina İspaniya ilə üz-üzə gələcək. İspaniya yarımfinalda Fransanı 2:0 hesabı ilə məğlub edib. İngiltərə isə üçüncü yer uğrunda oyunda Fransa ilə qarşılaşacaq.

Bununla yanaşı, ABŞ Prezidenti Donald Trampın dünya çempionatının finalını stadiondan izləyəcəyi bildirilib. Məlumata görə, o, FIFA prezidenti Canni İnfantino ilə birlikdə çempion komandaya kuboku təqdim edəcək. Final oyunu iyulun 19-da keçiriləcək.