“Vətən üçün Tavuş” hərəkatının kütləvi, daha radikal mərhələsi payızın əvvəlində başlaya bilər. Azadmedia.az erməni saytlarına istinadla xəbər verir ki, bunu siyasi strateq və politoloq Vigen Akopyan Sputnik Ermənistan multimedia mətbuat mərkəzində bildirib.

Onun sərsəm sözlərinə görə, hazırda hərəkat yeni strukturların yaradılması, yenidən formatlaşdırılması, institusionallaşdırılması, daha aydın siyasi gündəliyin müəyyənləşdirilməsi və kadrların yenilənməsi üçün kifayət qədər intensiv ev tapşırıqları yerinə yetirir.

“Hər şey Tavuş bölgəsinin təhlükəsizliyinin qorunması ilə başladı. İndi hərəkatın əsas şüarı bütün Ermənistanın ərazi bütövlüyünü qorumaqdır. Yerli, ictimai üsyandan hərəkat geniş ictimai-siyasi prosesə keçdi”, Vigen Akopyan deyib.