Şabran şəhər İcmasının İnkişafı üzrə Təlim və Resurs ictimai birlyinin təşkilatçılığı, Azərbaycan Respublikasının Qeyri-Hökumət Təşkilatlarına Dövlət Dəstəyi Agentliyinin maliyyə dəstəyi ilə “Şabran rayonunda məskunlaşmış Qərbi Azərbaycanlı soydaşlarımız arasında əzəli torpaqlarımıza qayıdış imkanlarının təbliği” layihəsi çərçivəsində Şabran şəhərinin Heydər Əliyev prospektində yerləşən Zərifə Əliyeva adına parkda tarixi Azərbaycan torpaqlarının əhatə etdiyi coğrafi ərazinin əks olunduğu və tarixi faktlar əsasında hazırlanmış lövhə-panno quraşdırılıb.

QHT.az xəbər verir ki, bu barədə layihə rəhbəri Gülsənəm Əmrahova məlumat verib. Onun sözlərinə görə, lövhə-pannoda əzəli Qərbi Azərbaycan torpaqları da daxil olmaqla vətənimiz Azərbaycanın əraziləri ətraflı təsvir olunub.