İraqın paytaxtı Bağdadda dini lider Müqtəda-əs-Sədr tərəfdarlarının Prezident Sarayından çıxarılması zamanı 2 nəfər ölüb, 19 nəfər xəsarət alıb.

Həlak olanlar Müqtəda əs-Sədrin tərəfdarlarıdır.

Onlar təhlükəsizlik qüvvələri ilə toqquşma zamanı həyatlarını itiriblər.İraqın paytaxtı Bağdadda Müqtəda-əs-Sədr tərəfdarları küçələrə çıxaraq etiraz aksiyası keçirib.

Qeyd edək ki, İraqdakı Sədr hərəkatının lideri Müqtəda əs-Sədr siyasətdən getdiyini açıqlayıb. Bundan sonra Bağdadda bir qrup etirazçı Prezident Sarayına hücum edib.

Etiraz aksiyasına görə paytaxtda komendant saatı elan edilib.