Ukrayna prezidenti Volodimir Zelenski Kiyevdə Böyük Britaniyanın müdafiə naziri Ben Uolleslə görüşüb.

Bu barədə Ukrayna mətbuatı məlumat yayıb.

Görüş zamanı Zelenski Ukraynaya kömək etdiklərinə görə Britaniyaya, onun hökumətinə və baş nazir Boris Consona təşəkkür edib. Prezident vurğulayıb ki, Böyük Britaniya genişmiqyaslı müharibə zamanı Ukraynanın əsl dostu və tərəfdaşı olduğunu nümayiş etdirib.

Zelenski həmçinin Uollesə üzərinə rus "Moskva" kreyserina aid məşhur cümlələr yazılmış çərçivəli poçt markaları da hədiyyə edib.