Siyavuş Novruzov xəritələrin 27 ildir təqdim edilmədiyini deyib

Milli Məclisdə bələdiyyələrin mülkiyyət xəritələrinin təqdim olunmaması məsələsi qaldırılıb.

Deputat Siyavuş Novruzov parlamentin payız sessiyasının ilk iclasında çıxış edərək bildirib ki, xəritələrin hazırlanması ilə bağlı məsələ dəfələrlə Nazirlər Kabinetinin qarşısında qaldırılıb.

Onun sözlərinə görə, 27 il keçməsinə baxmayaraq, bələdiyyələrin mülkiyyət xəritələri hələ də təqdim edilməyib.

Deputat qeyd edib ki, dağ-mədən və sənaye sahələrinin istismarı ilə bağlı nəzərdə tutulan ərazilərin bir hissəsi bələdiyyələrin ərazilərinə düşür.