Beyoğlu ve Ankara Mədəniyyət Festivalları keçirildi

Azadmedia.az - Ankara ve İstanbulda Başkent Mədəniyyət Yolu ve Beyoğlu Mədəniyyət Yolu festivalları keçirilib.

Türkiyə Mədəniyyət və Turizm Nazirliyinin təşkil etdiyi festivallarda pulsuz proqramlarla yanaşı, biletli tədbirlər də olub.

İstanbul və Ankarada keçirilən mədəniyyət festivalları çərçivəsində iyunun 12-dək davam edən 2000-dən çox tədbirdə 6000-dən çox sənətçi iştirak edib. İstanbulda Beyoğlu Mədəniyyət Yolu Festivalı Atatürk Mədəniyyət Mərkəzi qarşısında təşkil edilən mərasimlə başlayıb.
Beyoğlu Mədəniyyət Yolu Festivalı çərçivəsində küçə və meydanlar səhnəyə çevrilib.

Qalata qülləsi, Şişhane meydanı, Fransız küçəsi, Tomtom küçəsi, Odakule, Karaköy feribot terminali və bir çox başqa məkanlar festivala açıq hava atmosferi verib.
Türkiyə Respublikasının Mədəniyyət və Turizm naziri Mehmet Nuri Ersoy Türkiyənin hər yerindən 1500 fotoqrafın iştirak etdiyi Fotoqrafiya Marafonu sərgisinin açılışını edib.

Festival çərçivəsində İstanbullu sənətsevərlər, uşaqlar və turistlər teatr və opera tamaşalarından tutmuş film nümayişlərinə, açıq hava konsertlərindən sənət sərgilərinə qədər müxtəlif mədəni tədbirləri izləyiblər.
Beyoğlu Mədəniyyət Festivalı İstanbulun ədəbiyyat, teatr, musiqi, opera, qastronomiya, təhsil, rəssamlıq, kino və s. daxil olmaqla bütün maddi, mənəvi və mədəni irsini gələcək nəsillərə ötürməyi hədəfləyən bir layihədir.
Ankarada keçirilən Başkent Mədəniyyət Yolu Festivalı çərçivəsində şəhərin bənzərsiz tarixi və xüsusiyyətləri 4,7 kilometrlik yol boyu sənətsevərləri qəbul edib.
Festival çərçivəsində Ankarada 16 gün ərzində simfonik konsertlərdən rəqsnümayişlərinə, heykəltəraşlıq ustad dərslərindən teatr tamaşalarına, ədəbi söhbətlərdən uşaq tədbirlərinə, konsertlərdən sənətçilərə qədər 16 gün ərzində Ankarada çox sayda mədəniyyət və incəsənət tədbirləri təqdim olunub.

Başkent Mədəniyyət Yolu Festivalı cumhuriyyətdən əvvəlki, cumhuriyyət və yeni müasir Ankara daxil olmaqla, müxtəlif dövrlərə aid 70-dən çox tematik sərgini əhatə edib. Ankara qalası, bənzərsiz kolleksiyası ilə Anadolu Sivilizasiyaları muzeyi, 400 illik tarixi ilə paytaxtın ən əhəmiyyətli dini tikililərindən biri olan Hacı Bayram Vəli məscidi və Roma sivilizasiyasının abidəsi olan Hamamonun tarixi şəhər quruluşu buradadır. Ankaranın simvollarından olan Avqust məbədi və Roma hamamı kimi tarixi abidələrlə yanaşı, Birinci Milli Memarlıq Dövrünün ən nadir əsərləri olan Ankara Rəsm və Heykəl muzeyi, Etnoqrafiya muzeyi, İş Bankı muzeyi, Ziraat Bankı müzeyi və digər muzey və sənət qalereyaları, tarixi binalar və abidələr qapılarını sənətsevərlərə açıb.