دهقان نورانی نین یاشایئش یولی

من دهقان نورانی ناطور، مظاهر اوغلو ؛ خلخالین گور کملی ئولکه سینین سنجبد آدلی بخشی نین ناطور کندینده، ۱۳۴۱ ایمجی شمسی ایلینده آنادان اولموشام ،یئدی یاشیندا قرآن اوخوماقی رحمتلیک آنامین محضررینده کسب ائله ديم، چون او زمان آنا یوردومدا مدرسه یوخودی تاسف ائدیرم کی درس اوخوماقدان بهره آپارا بیلمه ديم
سونرا ۱۵ یاشیمدا اؤز آنادان اولان کندیمی ترک ائله ديم امرار معاشدان ساری تهران شهرینه کوچدیم امما شعره و ادبیاتا چوخ علاقم واریدی یاواش یاواش ۱۳۹۰ ایمجی ایلدن شعر یازماقا باشلادیم شعرلریمین بیر بخشی نگین خلخال آدیلان ، چاپ اولدی و عزیز محترم ادب اهلی نین خدمتینده قرار تاپدی بویوک اولان تانریدان مننت دارام

حورمتله دهقان نورانی ناطور

Olmuşam

Sənin həsrətindən gül kimi solub,
Payızda saralan yarpaq olmuşam.
Süd əmən zamani anası ölən,
Beşikdə laylasız uşaq olmuşam.

Çapılmış talanmış elə bənzirəm,
Bağlari quruyan gülə bənzirəm.
Buludsuz yağışsız çölə bənzirəm,
Coşub çağlamıyan bulaq olmuşam.

Heç zaman olmadın mənim dayağım,
Yuxulayıb yatıbsan yoxdu oyağım.
Qocaldım titrəyir əlim ayağım,
Sınıb qol qanadım çolaq olmuşam.

Günahsız sən məni əzab elirsən,
Hicrində yandırıb kəbab elirsən.
Dağıdım əridib müzab elirsən,
Eşqində dağılmış tifaq olmuşam.

Dehqanam əkmişdim biçə bilmədim,
Hicran körpüsündən keçə bilmədim.
Məhəbbət suyundan içə bilmədim,
Susuzluqdan çatlamış dodaq olmuşam.


سَنین حَسرتیندَن گول کیمین سؤلوب
پاییزدا سارالان یاپراق اؤلموشام
سود اَمَن زامانی آناسی اؤلَن
بئشیکدَه لای لای سیز اؤشاق اؤلموشام

چاپیلمیش تالانمیش ائلَه بَنزیرَم
باغلاری قورییان گؤلَه بَنزیرَم
بولودسیز یاغیش سیز چؤلَه بَنزیرَم
چؤشیب چاغلامییان بولاق اؤلموشام

هئچ زامان اؤلمادون مَنیم دایاقیم
یؤخلاییب یاتیبسان ،یؤخدی اؤیاقیم
قؤجالدیم تیترَه ییر اَلیم اَیاقیم
سینیب قؤل، قانادیم چؤلاق اؤلموشام

گناه سیز سَن منی عَضاب ایلیسَن
هچروندَه یاندیریب کَباب ایلیسَن
داغیدیم اَریدیب مُذاب ایلیسَن
عشقوندَه داغیلمیش تیفاق اؤلموشام

(دهقانام) اَکمیشدیم بیچَه بیلمَدیم
هجران کؤرپوسیندَن گئچه بیلمَدیم
مُحَبت سوویندان ایچَه بیلمَدیم
سوسوزدان ، چاتلامیش دؤداق اؤلموشام

Qarabağı almaq üçün cəbhədə əslan varımız,
Hər qarış torpğına vermək üçün qan varımız,

Əl-ələ verdi elm, taki ucalsin vətənim,
Vətən eşqində coşub sel yaradan qan varımız.

Biz vətən qurbanıyıq xəlqimə əhsən deyirəm,
Ana eşqində bizim min quzu qurban varımız.

Zalımın almaq üçün canını candan geçərik,
Qarabağ bölgəsinə verməyə min can varımız.

Otuz il şanlı elim dərdilə hicranə dözüb,
Qələbəylə vüsala çatmağa dərman varımız.

Ordumu sarsıda bilməz düşmənin fitnələri,
Çünki İlhamdan alan mənəvi fərman varımız.

Dehqanam fəxr edirəm,- öz elimin varlığına,
Ölkələr içrə gözəl Azərbaycan varımız.


قاراباغی آلماقیچون، جبهه دَه آصلان واریمیز
هر قاریش تُپراقیما وئرمَگیچون قان واریمیز

اَل اَلَه وئردی ائلیم تاکی اوجالسین وَطنیم
وَطَن عشقیندَه چوشوب،سئل یارادان قان واریمیز

بیز وَطن قربانییخ خَلقیمَه اَحسن دئیرَم
آنا عشقیندَه بیزیم، مین قوزو قربان واریمیز

ظالمین آلماقیچون جانینی، جاندان گئچَریک
قاراباغ اولکَه سینه ،وئرمَگه مین ،جان واریمیز

اؤتوز ایل، شانلی ائلیم ، دَردیلَه هجرانه دؤزوب
غلَبه یلَن وصالا چاتماقا ، دَرمان واریمیز

اؤردومی سارسیدا بیلمَز دُشمَنین فتنَه لَری
چونکی الهامنان ، آلان مَعنوی فَرمان واریمیز

(دهقانام ) فَخر ائدَرم اوز ائلیمین وارلیقینا
اؤلکه لَر ایچره گوزل، آزربایجان واریمیز

Meyi mərifət

Meyi mərifətlə məst et yetişim kəmalə saqi
Qutaram fəraqi bəlkə yetişəm vüsalə saqi

Məni qorxubxrdi zahid hərami yaham odunda
İçərəm mən ol hərami çataram həlakə saqi

Çata bilməsəm nigarə dolacaq gözüm qanilan
Axacaq yanax larımdan olacaq şəlalə saqi

Hə iki cəhani heyran edərəm əgər nigarım
Öz əlilə lütf qilsa doli bir piyalə saqi

Elə məhv olam ruxunda çixa varlığım yadmdan
Ətəgin dutam o yarın baxam ol cəmalə saqi

Pər açıb ıruc eylir xəyalım quşi səmayə
O məqamə gər yetişsəm çataram cəlalə saqi

Güzümün köki saraldı yoluni güzətləməkdən
Çixa seyrə məh əmalim baxa ol hilalə saqi

Məni qovma sən qapündan urafadən ayrı salma
Ətəgindən əl götürsəm düşərəm məlalə saqi

Çalışır həyatda Dehqan çəta ol şərabi nabə
Dola sağəri dəmadəm yetişə kəmalə saqi


مِیئ مَرفت

میی معرفتله مست ائت، یئیتشیم کماله ساقی !
قوتارام فراقی بَلکَه، یئتیشم وصاله ساقی

منی قورخودوردی زاهد حَرامی ،یانام اودوندا
ایچرَم من اؤل حَرامی ، چاتارام حَلاله ساقی

چاتا بیلمَه سَم نگاره ،دؤلاجاق گؤزوم قانیلان
آخاجاق یاناخلاریمدان، اؤلاجاق شَلاله ساقی

هرایکی جهانی، حیران ائدرَم ،اگر نگاریم
ئوز الیله لطف قیلسا ، دولی بیر پیاله ساقی

ائله مَحو اؤلام روخوندا، چیخا وارلیقیم یادیمدان
اَتگین دوتام أو یارین، باخام ئول جماله ساقی

پَر آچیب عروج ایلیر ،خیالیم قؤ شی سمایه
او مقامه گر ییتیش سَم ،چاتارام جَلاله ساقی

گؤزومون کؤکی سارالدی، یؤلونی گؤزتله مَکدَن
چیخا سیره مه جَمالیم ،باخام ئول هلاله ساقی

منی قووما سَن قاپوندا، عُرافادَن آیری سالما
اَتگیندَن اَل گوتورسَم دوشَرم مَلالَه ساقی

چالیشیر حیاتدا (دهقان) چاتا ئول شَراب نابه
دؤلا ساغری دمادَم ، یئتیشَه کَماله ساقی

دهقان نورانی ناطور 1396..2..20

Divanə gülə

Ağladirsan məni hər gün gürə biganə gülə
Aqili ağlada halım baxa divanə gülə
Gənc tək könlümi viranə görüb gizləndün
Küncü viranədə qal bəlkə bu virənə gülə
Şəme tək atəşe eşqində elə yannam ki
Özi yandiqca mənim halimə pərvanə gülə
Bir ömürdü gedirəm məscidə, eşqünlə sənün
Qoyma çəksin məni saqi mey, meyxanə gülə
Tərlanım dən səpirəm bəlkə səni damə salam
Neylürəm sar düşə damə ke mənə danə gülə
Ətrivilə məni məst elə ke mədhuş düşüm
Ta mənə saqi əlindən doli peymanə gülə
Kaş pərişan edəsən zulfuvu könlüm sayaqi
Öz əlimlə dariyam dəgmiyə ta şanə gülə
Lütfilə qoy qədəmün xane ü kaşanəmizə
Dəru divar gülı,xane ü kaşanə gülə
Rəhm eləsən gözəlim bir belə ağlatma məni
Dehqana göstər özün məst ola məstanə gülə

عزیز دؤسلار بیر غزل سیزه تقدیم. ائدیرم
دیوانه گوله

آغلادیرسان منی هر گون گؤرَه بیگانَه گولَه
عاقلی آغلادا حالیم ، باخا دیوانه. گولَه
گنج. تک کؤنلومی ویرانه گؤروب ، گیزلندون
کُنجِ ویرانه دَه قال. بلکَه بو ورانه گولَه
شمع تک آتش عشقونده ائلَه. یاننام که:
اؤزی یاندیقجا منیم حالیمَه پروانه گولَه
بیرعؤموردی گِئدیرم مسجده.عشقونلَه سنون
قؤیما چَکسین منی ساقی مِئیَه ، میخانه گوله
طرلانیم ،دَن سَپیرم بلکَه سنی دامَه. سالام
نیلورم سار دوشَه دامَه ، که منه دانَه. گولَه
عطرویلَه منی.مست ایلَه که مدهوش دوشوم
تا. منه ساقی الینده دؤلی پیمانه. گوله
کاش پریشان ائده سَن زلفووی کؤنلوم سیاقی
اؤز اَلیملَن داریام ، دَگمیَه تا شانه. گولَه
لُطفیلَه قؤی. قدمون خانه و کاشانه. میزه
دَر. و دیوار گولَه ، خانه و کاشانه گولَه
رحم ائلَه سن گؤزلیم بیر بِئلَه آغلاتما. منی
«دهقانا» گؤستر. اوزون ، مست اؤلا ، مستانه گوله

تهران ، دهقان نورانی ناطور

Qalıb qəzəl

Çatıncaq

Rəngım saralır gül kımı deldara çatincaq
Can təngə gəlir neynəməli yarə çatincaq
Hicran dar asıb, başimi istir dara çəksin
Min yol çıxacaq can bilirəm darə çadıncaq
Həsrətdi gülə bülbülü biçarə nə çarə?
Eşq öldürəcək bülbüli gülzarə çatincaq
Peykan edürəm dərdilə bimarüvəm ey gül
Güzlər səni güzlə məne bimarə çatincaq
Nəzr eyləmişəm mən, ke yanam şəme rüxünda
Pərvanə gəzər həsrətilən narə çatincaq
Eşqun məni lal eyliyub ey sevgili canan
Ial olmalıyam yarilə gofdarə çatincaq
Didarovə fikr eyləmişəm hər gecə, gündüz
Kəş ömrüm ola ləhzeyi didarı çatincaq
Sinön dolbu dərdilə Dehqan demə xəlqə
Səbr eylə ginən məhrəmi əsrarə çatıncaq

Tehran Dehqan Nurani Natur
چاتینجاق

قالب غزل
رَنگیم ، سارالیر گُول کیمی دلدارَه چاتینجاق
جان تَنگَه گَلیر ، نیلَه مَه لی یارَه چاتینجاق
هجران دار آسیب،باشیمی ایستیر دارا چکسین
مین یؤل چیخاجاق جان بیلیرَم دارَه.چاتینجاق
حسرتدی گُولَه بلبل بیچارَه ،نه چارَه ؟
عشق اُؤلدورجَک بلبلی گُلزارَه چاتینجاق
پیکار ائدورَم دردیلَه بیمارووَم ای گُل
گؤزلَر سنی گؤزلَر منِ بیمارَه چاتینجاق
نَذر ایلَه میشَم من، که یانام شمع رُوخوندا
پروانه گَزَر حسرتیلَن نارَه چاتینجاق
عشقون منی لاٰل ایلیوب ای سئوگیلی جانان
لاٰل اؤلمالیام یاریلَه گُفتارَه چاتینجاق
دیدارووَه فکر ایلمیشَم هر گئجه ،گوندوز
کاش عُمروم اؤلا لَحظه ی دیدارَه چاتینجاق
سینون دؤلودی دردیلَه «هقان» دیمَه خَلقَه
صَبر ایلَه گیلَن محرَم اَسرارَه چاتینجاق

تهران دهقان نورانی ن اطور