Bakı, 10 mart - Azadmedia.az

İranda naməlum şəxslər tərəfindən 4 məscid atəşə tutulub.

İranın Yəzd şəhərində 4 məscidin naməlum şəxs və ya şəxslər tərəfindən yandırıldığı açıqlanıb.

İranın yarı rəsmi Mehr Xəbər Agentliyinin məlumatına görə, səhər saatlarında Yəzdin Azadşəhr bölgəsində 4 məscid naməlum şəxs və ya şəxslər tərəfindən yandırılıb.

Məscidlərdə dəyən maddi ziyanın hələ açıqlanmadığı bildirilən xəbərdə bildirilib ki, polis ətrafdakı təhlükəsizlik kameraları və digər identifikasiya üsullarından istifadə edərək hadisəni törədənləri müəyyən etməyə çalışıb.

Səlahiyyətlilər hələlik məsələ ilə bağlı açıqlama verməyib.



Ülkər Piriyeva