Aprelin 8-də İran Azərbaycanının Ərdəbil və Urmiyə şəhərlərində məktəblərdə bir çox sayda şagird qızın zəhərləndiyi haqda məlumat verilib.

Belə ki, “Şərq” qəzetinin internet saytı Ərdəbil valiliyinin Təhlükəsizlik və Asayişin Mühafizəsi üzrə baş direktoru Əli Məhbubipura istinadən 400 tələbə qızın xəstəxanaya yerləşdirildiyini açıqlayıb.

Qeyd edək ki, Ərdəbildə şagirdlərin zəhərləndiyi bildirilən məktəblərin dəqiq sayı bildirilməsə də, İran mediası yalnız 7 məktəbin adını açıqlayıb və şəhərin digər məktəblərində də qız şagirdlərin zəhərləndiyini bildirib.