Pakistanın cənub-qərbindəki rəsmilərin bazar ertəsi bildirdiyinə görə, polis maşınını hədəf alan bomba partlayışı azı 4 nəfərin ölümünə, 15 nəfər yaralanmasına səbəb olub.

Belə ki, partlayış Bəlucistan vilayətinin Qvetta şəhərinin mərkəzində hərəkətli yolda baş verib. Ölənlər arasında iki polis əməkdaşı və iki mülki vətəndaş olub. Xəstəxana rəsmiləri ölənlərin sayının arta biləcəyini guman edir.

Nəzərinizə çatdıraq ki, vilayət polisinin yüksək rütbəli zabiti yerli mediaya deyib ki, partlayıcı qurğu motosikletə yerləşdirilib.

Qeyd edək ki, Pakistanın baş naziri Şehbaz Şərifin ofisi onun partlayışı terror aktı kimi qiymətləndirdiyini və qınadığını bildirib.