Azərbaycanlı travel blogger ölkəmizi dünyada tanıtmaq üçün fərqli bir layihəyə start verib.

Azərbaycanlı travel blogger Firəngiz Əbdüləziz maraqlı bir sosial tanıtım aksiyası başladıb. Dünyanın müxtəlif ölkələrində çəkilişlər aparan blogger sosial tanıtım çarxını “Azərbaycanlı olduğunu göstər” adı altında reallaşdırır.

F. Əbdüləziz Turkazmedia.az-a açıqlamasında bildirib ki,çəkilişin məqsədi səfər etdiyi ölkələrdə Azərbaycan haqqında məlumatlar vermək, milli-mənəvi dəyərlərimizi,mədəniyyətimizi və mətbəximizi tanıtmaqdır. İndiyədək İngiltərədə(Londonda) və bir sıra ölkədə olan travel blogger insanlarla maraqlı təmaslar qurub.

F. Əbdüləzizin bu dəfəki çəkilişi isə Vaşinqton şəhərində-Ağ evin qarşısında aparılıb. Həmyerlimiz Azərbaycan paxlavasını müxtəlif xalqlardan olan müsahiblərinə təqdim edib.

Maraqlı məqamlarla yadda qalan həmin videonu təqdim edirik: