Bu gün Yaponiyanın Kariuzava şəhərində ölkənin sədrliyi ilə G7-yə üzv dövlətlərin xarici işlər nazirlərinin 2023-cü ildə ilk görüşü keçiriləcək.

Bu barədə Azadmedia.az xarici mətbuata istinadən xəbər verir.

Belə ki, Yaponiyanın xarici işlər naziri Yosimasa Hayasinin sözlərinə görə, üç gün davam edəcək tədbir G7 ölkələrində birlik nümayiş etdirmək, onun nümayəndələrinə dostluq və etimad münasibətlərinin möhkəmləndirilməsinə kömək üçün nəzərdə tutulub.

Qeyd edək ki, danışıqların əsas mövzularından biri Ukrayna ətrafında vəziyyət olacaq. Hayasi, görüş ərəfəsində vurğulayıb ki, G7 Rusiya Federasiyasının hərəkətlərini kəskin tənqid edərək növbəti dəfə "Ukraynaya sarsılmaz dəstəyini nümayiş etdirmək niyyətindədir". Onun sözlərinə görə, G7, həmçinin nüvə silahından istifadənin və təhdidlərin yolverilməzliyini vurğulamaq niyyətindədir.