Şamaxı rayonunun Nərimanov küçəsində cari təmir işləri həyata keçirilir. Təmir işləri 19 saylı Xüsusi Təyinatlı Yol İstismar İdarəsinin əməkdaşları tərəfindən aparılır.

Görülən işlər çərçivəsində yol örtüyünün bərpası, mövcud nasazlıqların aradan qaldırılması və nəqliyyatın təhlükəsiz hərəkətinin təmin olunması nəzərdə tutulur. Təmirin qısa müddətdə başa çatdırılması planlaşdırılır.

Qeyd edək ki, aparılan işlər sakinlərin rahat gediş-gəlişinə və yol infrastrukturunun yaxşılaşdırılmasına xidmət edir.