İsrail əsgərləri işğal altındakı İordan çayının qərb sahilinin şimalında yerləşən Tulkerm şəhərinə basqın zamanı bir fələstinli yeniyetməni öldürüb.

Azadmedia.az xəbər verir ki, Fələstinin rəsmi agentliyi WAFA-nın xəbərində İsrail əsgərlərinin Tulkermdəki düşərgəyə basqın zamanı atəş açması nəticəsində 18 yaşlı Mahmud Əbu Şonun başından yaralandığı bildirilib.

Belə ki, həmin xəbərdə Əbu Şonun aparıldığı xəstəxanada dünyasını dəyişdiyi qeyd edilib.

Qeyd edək ki, hadisə şahidləri düşərgəyə edilən basqından sonra onlarla fələstinli gənclə İsrail qüvvələri arasında toqquşmaların baş verdiyini, əsgərlərin həqiqi güllələrdən və gözyaşardıcı qazdan istifadə etdiklərini bildiriblər.