ABŞ-ın sifarişi ilə İtaliyada saxlanılan iranlı iş adamı Məhəmməd Abedini bazar günü həbsdən buraxılaraq İrana qayıdıb.
Keçən ay 38 yaşlı iranlı iş adamı Məhəmməd Abedini ABŞ hakimiyyətinin tələbi ilə Milan hava limanında həbs edilmişdi.

ABŞ hüquq-mühafizə orqanlarının məlumatına görə, bu komponentlər daha sonra yanvar ayında Suriya sərhədi yaxınlığındakı İordaniya hərbi bazasına pilotsuz uçan aparatların hücumunda istifadə edilib və nəticədə 3 ABŞ hərbçisi həlak olub.

İran bu hücumda iştirakını inkar edir.

Azadlıq müqabilində azadlıq

İtaliya mediası onun işini Abedinin həbsindən üç gün sonra Tehranda tutulan gündəlik “İl Foglio” qəzetinin italyan jurnalisti Sesiliya Salanın saxlanması ilə əlaqələndirib. İtaliya Xarici İşlər Nazirliyi İran səfirini çağıraraq saxlanılan jurnalistin azad edilməsini tələb edib. O, daha sonra sərbəst buraxılıb və çərşənbə günü İtaliyaya qayıdıb.

İran italyan jurnalistin Abedini azad etməsi üçün Romaya təzyiq etmək üçün həbs edildiyinə dair ittihamları rədd edir.

İranın məhkəmə orqanları anlaşılmazlıq zəminində həbs edilən Abedininin İran Xarici İşlər Nazirliyinin səyləri və iki ölkənin kəşfiyyat xidmətləri arasında aparılan danışıqlar nəticəsində İtaliyada həbsdən azad edildiyini bildirib.

İranın məhkəmə orqanlarının məlumatına görə, anlaşılmazlıq aradan qaldırılıb və Abedini həbsdən azad edilib.

İran Xarici İşlər Nazirliyinin sözçüsü İsmail Bəqayi və İranın Mizan xəbər agentliyi Abedininin bazar günü İrana gəldiyini təsdiqləyib.

Roma ekstradisiyaya qarşı

İranlı iş adamının bazar günü azadlığa buraxılması İtaliyanın ədliyyə naziri Karlo Nordionun Milan Apellyasiya Məhkəməsinə müraciətindən sonra baş verib.

Bundan əvvəl mətbuatda iranlı iş adamının ABŞ-a ekstradisiyasının mümkünlüyü müzakirə olunub. Bununla belə, İtaliyanın ədliyyə naziri bildirib ki, ABŞ iranlının ekstradisiyası üçün rəsmi müraciət etməyib.

İtaliya Ədliyyə Nazirliyindən verilən açıqlamada bildirilir ki, Abedininin ekstradisiyası üçün heç bir hüquqi şərt yoxdur, çünki bu, yalnız həm İtaliyada, həm də ABŞ-da cəzalandırılan cinayətlər halında mümkündür.

Bəyanatda qeyd edilir ki, ABŞ-ın Beynəlxalq Fövqəladə İqtisadi Səlahiyyətlər Aktının pozulması İtaliya qanunlarına görə cinayət kimi tanınan hərəkətlərə uyğun gəlmir. Həmçinin bildirilib ki, iranlı iş adamının terror təşkilatına dəstək verməklə bağlı digər ittihamlarını dəstəkləyəcək heç bir dəlil yoxdur.

İtaliya və beynəlxalq medianın məlumatına görə, Sesiliya Salanın azadlığa buraxılması İtaliyanın baş naziri Giorgia Meloni ABŞ-ın yeni seçilmiş prezidenti Donald Trampı Floridadakı Mar-a-Laqo malikanəsində ziyarət etdikdən qısa müddət sonra baş verib. Bildirilib ki, İtaliya Salanın tezliklə İtaliyaya qayıtması müqabilində Abedini ekstradisiya etməkdən imtina etmək üçün ABŞ-dan əməkdaşlıq istəyib.